वर्तमान - काळाचा तुकडा छोटासा
पानावरचं दवबिंदू  जसा
जसं झाडावरचं फुल,
वर्तमान ,क्षण भराचा काळ,
क्षणात होणारा ..भूतकाळ !

वर्तमान आहे
एक अपराजित सत्य,
आणि परिवर्तनीय असत्य
एक शब्द अर्थहीन
तरीही, गर्भात अंतरीक्ष!!

वर्तमान आहे चंद्र तारे,
 आहे ब्रम्हांड सारे
सागरावरती  वाहणारे वारे
बाकी सगळाच फक्त आभास

वर्तमान आहे क्षणिक  सुख
आणि  शाश्वत दुखः
जीवन आहे वर्तमान
भविष्यात जगण्यासाठी !!!

  सोनाली घुले-देशमुख
२६/०२/२०१३